Paak Quran Sharif me kai aise aayat (verses) hain jo hume yeh batate hain ki Bada Allah, yaani SarvShaktimaan Amar Parmatma, ek hi hai jo poore jagat ka malik hai aur sabka rachayita hai। Wahi Parmatma amar hai, jo kabhi janma nahi leta aur na hi uski koi shristi karta hai। Uski shaktiyan aisi hain jo kisi samanya devta ya insani roop mein nahi aa sakti।
Paak Quran Sharif Ke Pramaan:
- Surat Furqan 25:59 – Wahi (Parmatma) hai jisne aakaash aur dharti ko banaya, aur jo ‘Arsh’ (Param Lok) par virajmaan hai। Uske baare me sirf ek gyaani (Tatvadarshi Sant) se puchho।
- Yah aayat saf roop se samjhati hai ki asli Parmatma wahi hai jo Arsh (Param Lok) mein virajmaan hai। Uska gyaan prapt karne ke liye ek Tatvadarshi Sant ki zarurat hoti hai। Aaj ke samay mein, yeh gyaan Sant Rampal Ji Maharaj ke madhyam se mil raha hai।
- Surat Ikhlas (112:1-4) – Kaho, wahi Allah hai jo akela hai। Allah SarvShaktimaan hai। Na uska koi janm hua, aur na hi usne kisi ko janm diya। Aur na hi koi uska saman hai।
- Yahaan Allah ki asli shakti aur uski alokik (divine) swaroop ko vyakt kiya gaya hai। Yeh spasht hota hai ki Bada Allah koi devta ya insani roop nahi le sakta। Wahi akela SarvShaktimaan aur Amar Parmatma hai।
- Surat Shura 42:11 – Uska koi saman nahi hai। Wahi dekhne aur sunne waala hai।
- Yahaan Allah ki ekata aur uski anupam shaktiyon ka zikr hai। Yeh batata hai ki uska koi tulya ya saman nahi hai, aur wah sab kuch dekh sakta aur sun sakta hai।
- Surat Al-Anam 6:102 – Wahi Allah hai jo sab kuch banata hai। Uske alawa koi Parmatma nahi। Wahi har cheez ka malik hai।
- Yeh aayat Parmatma ki rachna-shakti aur uski anant shaktiyon par zor deti hai।
Asli Parmatma Ka Gyaan Sirf Tatvadarshi Sant Se Prapt Hota Hai
Paak Quran Sharif me yeh bhi kaha gaya hai ki asli Parmatma ka gyaan hume sirf ek Tatvadarshi Sant ke madhyam se milta hai। Quran Sharif ke anusaar, asli Parmatma wahi hai jo Arsh (Satlok) mein rehta hai, aur wahi sabka malik hai। Sant Rampal Ji Maharaj apne satsang ke madhyam se hume yeh batate hain ki asli Parmatma kaun hai aur uski pooja kaise karein।
Kabir Sahib: SarvShaktimaan Amar Parmatma
Quran Sharif ke sandarbh ke anusaar, asli Parmatma Kabir Sahib hain, jinhone apne aadi roop me Ved, Gita, aur Quran ke madhyam se apni mahanata ko darshaya। Kabir Sahib ki mahima kai dharmik granthon me likhi gayi hai।
